حنونه
17 - 2 - 2007, 03:10 PM
هذا خبر قريته حبيت انقله لكم...
دقّ عليّ رفيقي في طوكيو يسلم عليّ ويسألني عن اخبار العجّ في الرياض، عاد انا نشبت له وقلت له وش اخبار السارز قالي يا صتيمة هذاك ذابح الصين موب حنا، وقعد يضحك عليّ بالياباني :(.
عاد قالي على خبر موب زين، يقول الماخوذ حسن طونق بونق: ان فيه شركة يابانية اعلنت عن وجود فايروس جديد توه نازل اسمه فيزر (في زر = كلمة قالها خياط ولا كمّلها وكان وده يقول في زر ولا ما في:)) وانتشر في اليابان وفي دول اسيوية (السعودية باسيا ترا) وفي امريكا بعد (يا جعله يدخل في مخّ بوش ويحوس ام ملفاته). يقولون عاد اليابانيين ان موب مره خطير وخطورته متوسطة وانه ينتشر عن طريق البريد الالكتروني (يعني ايميل للقراوى) والشبكات ويقدر يخرب النظم التشغيلية ويندوز 95 و98 وام.ئي وان.تي و2000 واكس.بي.
وقالت وحده من الشركات (ما قالت لي انا لا تطالعون فيني الكلام لحسن انا مالي دخل) ان الفايروس يرسل للقوائم البريدية اللي بجهازك كلها ايميلات بكلام من راسه وفيه ملف مرفق هو الزبده كلها يكون نسقه واحد من الانساق التالية: "EXE" او "BEF" او "COM" او "SCR". وهالفايروس النذل اعترف فيه شركات امريكية وبعضها اوربية برضه حاس مريرتهم. انتبهوا منه.
دقّ عليّ رفيقي في طوكيو يسلم عليّ ويسألني عن اخبار العجّ في الرياض، عاد انا نشبت له وقلت له وش اخبار السارز قالي يا صتيمة هذاك ذابح الصين موب حنا، وقعد يضحك عليّ بالياباني :(.
عاد قالي على خبر موب زين، يقول الماخوذ حسن طونق بونق: ان فيه شركة يابانية اعلنت عن وجود فايروس جديد توه نازل اسمه فيزر (في زر = كلمة قالها خياط ولا كمّلها وكان وده يقول في زر ولا ما في:)) وانتشر في اليابان وفي دول اسيوية (السعودية باسيا ترا) وفي امريكا بعد (يا جعله يدخل في مخّ بوش ويحوس ام ملفاته). يقولون عاد اليابانيين ان موب مره خطير وخطورته متوسطة وانه ينتشر عن طريق البريد الالكتروني (يعني ايميل للقراوى) والشبكات ويقدر يخرب النظم التشغيلية ويندوز 95 و98 وام.ئي وان.تي و2000 واكس.بي.
وقالت وحده من الشركات (ما قالت لي انا لا تطالعون فيني الكلام لحسن انا مالي دخل) ان الفايروس يرسل للقوائم البريدية اللي بجهازك كلها ايميلات بكلام من راسه وفيه ملف مرفق هو الزبده كلها يكون نسقه واحد من الانساق التالية: "EXE" او "BEF" او "COM" او "SCR". وهالفايروس النذل اعترف فيه شركات امريكية وبعضها اوربية برضه حاس مريرتهم. انتبهوا منه.